Ձվի սպիտակուցն անջատել դեղնուցից, հարել մինչև փրփրելը, քիչ-քիչ ավելացնել շաքարավազը, ապա հարած դեղնուցը, հարած կարագը, թթվասերը` սոդայով և այնքան ալյուր, որ ստացվի փափուկ, ձեռքերին չկպչող խմոր, բաժանել 2 գնդի:
Մեկը բացել, փռել յուղապատ տապակի մեջ, վրան քսել ջեմը, բացել երկրորդ գունդը և փռել վրան, կողքերից խմորները միացնել իրար:
Խնձորները մաքրել, կիսալուսնաձև կտրտել, շարել խմորի վրա և թխել 200°C-ի տակ, մինչև վարդագունելը: